Daeth cynllun Sefydliad Cymunedol Rygbi Caerdydd i ddatblygu’r genhedlaeth nesaf o hyfforddwyr i ben wythnos yma gyda chystadleuaeth rygbi tag llwyddiannus yng Nghrughywel.
Mae 15 o arweinwyr rygbi Ysgol Uwchradd Crughywel, sydd yn rhan o gwrs BTEC Rygbi Caerdydd, wedi bod yn rhedeg sesiynnau rygbi mewn ysgol gynradd leol trwy gydol y tymor.
Ryan Meredith, Swyddog rygbi'r Sefydliad Cymunedol, oedd yn arwain y cwrs, a roedd pob disgybl o flwyddyn tri i flwyddyn chwech yn Ysgol Gynradd Crughywel wedi cymryd rhan yn y gystadleuaeth, gyda rhai yn cael eu blas cyntaf o chwarae rygbi.
Gyda dros 120 o blant lleol yn chwarae eu rhan, roedd hyfforddwyr o Glwb Rygbi Crughywel a thîm merched Red Kites yn bresennol er mwyn annog y sêr ifanc i barhau i chwarae yn eu cymuned leol.